Hard სერვერი: ოფიციალური პასუხი რეიტებსა და წესებზე

ძვირფასო მოთამაშეებო!

რეიტების გაზრდის მოთხოვნა მივიღეთ. ეს სტატია ჩვენი ოფიციალური პასუხია და, ამავე დროს, ის, რისთვისაც Hard იქმნება.

როცა წლობით ვთამაშობდით

გახსოვთ ის დრო, როცა ერთ სერვერზე თვეობით და წლობით ვთამაშობდით? როცა კლანი მეორე ოჯახი იყო, ციხისთვის ბრძოლა კი მთელი სერვერის ამბავი? ამის მოწმეა ჩვენი დიდების დარბაზი: იქ არიან ლიდერები, რომლებიც კლანებს წლობით ხელმძღვანელობდნენ, ერთი 2008-დან 2015 წლამდე, მეორე 2008-დან 2020 წლამდე. ისტორიების გვერდზე კი კლანები თავად ყვებიან, როგორ შეიქმნა ქართული Lineage II.

დღეს L2 იმდენად გათელილია და იმდენად დაზეპირებული, რომ ეს დრო კვირეებამდე შემცირდა. ჩვენი ადმინისტრაციის მიზანი არ არის სტანდარტული სერვერების კეთება და ერთსა და იმავე წრეზე ტრიალი. ჩვენთვის მნიშვნელოვანია შევქმნათ რაღაც ახალი, ახალი გამოცდილება.

Hardcore არის ჩვენი მიზანი

Hard სერვერის აზრი მაქსიმალური Hardcore-ია. ჩვენთვის ეს არ არის მხოლოდ რთული რეიტი ან მკაცრი წესი. ეს თამაშის ისეთი გამოცდილებაა, სადაც ყველა ლეველი, ყველა ნივთი და ყველა ეპიკის მოკვლა ნამდვილად იმსახურება და სწორედ ამიტომ ფასობს.

ჩვენი აზრით, Hardcore არის საუკეთესო გამოცდილება, რისკენაც უნდა ისწრაფოდეს როგორც სერვერი, ისე მოთამაშე. ჩვენი მიზანი არ არის ერთ-ორკვირიანი გართობა. ჩვენ ვაშენებთ მრავალი თვის სტაბილური თამაშის გამოცდილებას და სერვერს, რომელზეც კლანები, ეპიკები და ეკონომიკა თვეების განმავლობაში ვითარდება.

რას ეყრდნობა ჩვენი გადაწყვეტილებები

ყველა გადაწყვეტილება, რომელსაც სერვერის რეიტებზე, კონფიგურაციაზე და ბოტის გამოყენების წესებზე ვიღებთ, სამ საფუძველს ეყრდნობა:

• სერვერის გეიმფლეის ხანგრძლივობა
• ახალი და განსხვავებული მექანიკებისა და გეიმფლეის შეთავაზება მოთამაშეებისთვის. ყოველ ჯერზე ვაუმჯობესებთ: ვშორდებით იმას, რაც არ მუშაობს, და ვაუმჯობესებთ იმას, რაც მუშაობს
• საკუთარი ეკოსისტემის შექმნა

ვისთვის არის Hard

Hard მათთვისაა, ვისაც სურს Wipe-ის გარეშე, თვეების განმავლობაში ითამაშოს ერთ სერვერზე და ააშენოს თავისი კლანი და თავისი ისტორია. ეს მოთამაშეები არ განიხილავენ კვირაში ერთხელ სერვერის შეცვლას. ჩვენთვის ისინი არიან Hard-ის საფუძველი.

პასუხი რეიტების გაზრდის მოთხოვნაზე

გვესმის, რომ ყველას არ სურს ეს გზა. ვისაც PvP სერვერი უნდა, ორი არჩევანი აქვს: დაელოდოს ჩვენს Easy სერვერს ან უკვე ახლა ითამაშოს საქართველოში აქტიურად მოქმედ PvP სერვერზე, L2Goddard (იხსნება ახალ ჩანართში).

პრედის გუნდი წარმატებას უსურვებს L2Goddard-ის ადმინისტრაციას თავის საქმეში და PvP გამოცდილებისთვის მათ სერვერს გირჩევთ.

Hard გელოდებათ

Hard სერვერზე ველით სუფთა Hardcore-ს და ხანგრძლივი გეიმფლეის მოყვარულებს: მათ, ვისთვისაც გზა ისეთივე მნიშვნელოვანია, როგორც შედეგი.

პატივისცემით, პრედის გუნდი.

ვრცლად: სერვერის კონცეფცია