Hard — Rethink: გამოცდილების გადააზრება და ახალი დასაწყისი
ამ ზამთრის სეზონზე ახალი Hard სერვერი იხსნება — რატომ Hard — Rethink და რა შეიცვლება: კლიენტი, ეკონომიკა, დაცვა, L2Walker და Updater.
მოგესალმებით, მოთამაშეებო!
შარშანდელი Hard Season 2-ის წარუმატებელი შედეგების შემდეგ პრედის გუნდს მუშაობა არ შეუწყვეტია. მთელი გასული წლის განმავლობაში აქტიურად ვმუშაობდით, რომ თქვენთვის უკეთესი და ახალი სათამაშო გამოცდილება შემოგვეთავაზებინა. ამ პროცესში გადავხედეთ ჩვენს გადაწყვეტილებებს, გავითვალისწინეთ წარსული შეცდომები და ბევრი მათგანი გამოვასწორეთ.
წელს ახალი სერვერის გახსნას არ ვგეგმავდით. დიდი Remastered პროექტი, რომელზეც ბოლო ერთი წელია ვმუშაობთ, ჯერ მზად არ არის და მის დასრულებას კიდევ დრო სჭირდება. თუმცა მოთამაშეების მოთხოვნამ გადაგვაწყვეტინა, რომ ამ ზამთრის სეზონზე ახალი Hard სერვერი გავხსნათ.
ეს სერვერი Remastered-ისთვის მომზადებულ ბაზაზე იქნება დაფუძნებული და მასში უკვე იხილავთ იმ ცვლილებების ნაწილს, რომლებიც დიდი პროექტისთვის შევიმუშავეთ. თავად Remastered-ზე მუშაობა კი გაგრძელდება.
რატომ Hard — Rethink?
Hard Season 2-ის არადამაკმაყოფილებელმა შედეგებმა ბევრ რამეზე დაგვაფიქრა და ერთი ნაბიჯით უკან დაბრუნება მოგვიწია. საჭირო გახდა გადახედვა იმისა, სად დავუშვით შეცდომები, რა ვერ გავითვალისწინეთ და რა უნდა შეგვეცვალა.
სწორედ ამიტომ ახალ სერვერს Hard — Rethink ერქმევა. ამ სახელით გვინდა გამოვხატოთ ჩვენი მიდგომა: წარსული გამოცდილების გადააზრება და მიღებული გაკვეთილების ახალ სერვერში გათვალისწინება.
რა შეიცვლება?
ყველა შესრულებულ სამუშაოს ერთ პოსტში ვერ ჩამოვწერთ, თუმცა რამდენიმე მნიშვნელოვან მიმართულებას გაგაცნობთ:
- განახლებული კლიენტი — ვიმუშავეთ კლიენტის სტაბილურობასა და ოპტიმიზაციაზე, რათა თამაშის დროს ნაკლები Crit Error და ლაგი შეგხვდეთ.
- ეკონომიკის მონიტორინგი და კონტროლი — წინა სერვერზე მიღებული გამოცდილების გათვალისწინებით, მეტი ყურადღება დავუთმეთ ეკონომიკის კონტროლს. ჩვენი მიზანია დროულად აღმოვაჩინოთ ისეთი პრობლემები, როგორიც Adena-ს ბაგი იყო, და შევამციროთ მათი გავლენა სერვერზე.
- საკუთარი დაცვის სისტემა — ახალი Hard-ისთვის მომზადებული სისტემა სერვერზე სხვა ბოტ პროგრამების შემოსვლას შეზღუდავს. დაშვებული იქნება მხოლოდ L2Walker.
- რეალური L2Walker — ახალ სერვერზე გამოიყენებთ თავად L2Walker-ს. L2Project-ისა და სხვა ალტერნატივების გამოყენება აღარ დაგჭირდებათ.
- განახლებული Predator Updater — ახალ სერვერს განახლებული Updater-ით შემოგთავაზებთ. მის შესახებ დეტალებს მომდევნო სიახლეებში გაგიზიარებთ.
ეს მხოლოდ ნაწილია იმ სამუშაოებისა, რომლებიც გასული წლის განმავლობაში შევასრულეთ. მომდევნო პოსტებში ეტაპობრივად გაგაცნობთ სერვერის კონცეფციას, მექანიკებსა და გახსნის დეტალებს.
მადლობას გიხდით მოთმინებისთვის, მხარდაჭერისთვის და პრედისადმი ინტერესისთვის.
თვალი ადევნეთ სიახლეებს — ვემზადებით ზამთრის სეზონისთვის!
გისურვებთ სასიამოვნო გართობას!
