Jul 4, 2024
ყველას გახსოვთ ლეგენდარული Hard სერვერი, რომელმაც წლებს გაუძლო და ქართული Lineage 2-ის ისტორიაში დიდი კვალი დატოვა.
რათქმაუნდა უდაოა ის ფაქტი რომ ამ სერვერის პოპულალურობა სწორი დროისა და სწორი ადამიანების ძალისხმევის შედეგია. დღეს ყველა ვიაზრებთ იმ ფაქტს რომ დრო შეიცვალა, იმ დროინდელი მოთამაშეები გაიზარდნენ, სხვა საფიქრალი გაუჩნდათ და საერთოდ გეიმინგის ინდუსტრიაში სხვა დრო დაგვიდგა, რაც იმას ნიშნავს რომ წარსულის გამეორება არც შესაძლებელია და არც ვინმეს აქვს იმის ილუზია რომ წარსულს დააბრუნებს.
Hard სერვერი პოპულალური არ გამხდარა 1 დღეში, ეს ყველაფერი ხდებოდა ეტაპობრივად, შრომით, შემთხვევითობებითა და გეიმერული საზოგადოებით, რომელიც ძალიან ნელა და მეთოდურად ყალიბდებოდა.
Hard სერვერზე მოთამაშეების პირველი ონლაინის ზრდა დაკავშირებული იყო ქართველი მოთამაშეების რუსული სერვერებიდან მოულოდნელმა გადმოდინებამ, შეგიძლიათ წაიკითხოთ ისტორიები: S, Melkosoft-ის ისტორია, GODRIK-ას ისტორია - ნაწილი 1.
როგორც ზევით ავღნიშნე, Hard სერვერის პოპულარიზაციას სხვადასხვა მოულოდნელმა ფაქტორმაც შეუწყო ხელი რომლის განმეორებაც დღეს-დღეისობით შესაძლებელი არარის. მაგრამ ამ სერვერმა დაგვანახა სტაბილურობის შენარჩუნებისთვის საჭირო ინგრედიენტები.
რაც მოიცავს
ერთგულ მოთამაშეებს
მშრომელ ადმინისტრაციას
სერვერის ძლიერ ეკონომიკას
მოთამაშის ინტერესს კონცენტრირდეს იმაზე რაც მოსწონს
სტაბილურ და გამართულ სერვერულ ნაწილს
ივენთებს
მუდმივ განვითარებას
ამ შემთხვევაში, თემიდან გამომდინარე ჩვენ აქცენტს გავაკეთებთ სერვერის ძლიერ ეკონომიკასა და მოთამაშის ინტერესზე.
როგორც ზევით ავღნიშნე, დღეს იმ მოთამაშეებს უმრავლესობას ვინც Hard სერვერზე წლების წინ თამაშობდა, არ აქვთ ყოველდღიურად 5-6 საათი იმისთვის რომ ჩარი აალეველონ ან რაიმე ნივთის ასაწყობად სპოილერი და ქრაფტერი ზარდონ, რათქმაუნდა არიან მოთამაშეები ვისაც ამ ყველაფრის კეთება საკუთარი ხელით, ბოტ პროგრამის დახმარების გარეშე ურჩევნიათ და ეს ქგვრით მათ იმ ემოციებს რის გამოც Lineage შეიყვარეს, ბოტ პროგრამების არსებობა არ უშლის ხელს ასეთი მოთამაშეების თამაშს და პირიქით, თამამად შეგვიძლია ვთქვათ რომ ბოტ პროგრამები მათ ინტერესშიც შედის, და ავხსნით რატომ.
როგორ ეხმარება და აძლიერებს ბოტ პროგრამები სერვერის ეკონომიკას?
რაც უფრო მეტია აქტიური პერსონაჟი სერვერზე, მით უფრო მეტია მოთხოვნა ნივთებზე და რესურსებზე. იმის მიუხედავად ეს პერსონაჟი ცოცხალი მოთამაშეა თუ ბოტი. მოთამაშეს რომელსაც საკუთარი პერსონაჟის გარდა, 9 ბოტი ყავს, უწევს იზრუნოს 10 პერსონაჟის ჩაცმასა და შეიარაღებაზე, მოთამაშეს რომელსაც თავის ძირითად პერსონაჟზე ესაჭიროება პირობითად Light სეტი, ამავდროულად ესაჭიროება რამდენიმე Robe და Heavy სეტი საკუთარი ბოტებისთვის რადგან, შეუძლებელია ბოტებმა ფარმონ და მოგიტანონ სარგებელი ცუდი შეიარაღებით.
შესაბამისად სერვერზე პირობითად თუ თამაშობს 1000 ცოცხალი მოთამაშე და აქედან 700 მოთამაშეს, პერიოდულად ყავს ბოტები ფარმზე გაშვებული ეს ნიშნავს სერვერის მოთხოვნის დასაკმაყოფილებლად აუცილებელია 6600 სხვადასხვა დონის სეტი და შეიარაღება. იმ შემთხვევაში როდესაც სერვერზე ბოტი არ არის დაშვებული მოთამაშეების ოდენობა, პირდაპირპროპორციულია ნივთების მოთხოვნაზე და მათ ფასზე, მაშინ როდესაც ბოტ პროგრამის დაშვების შემთხვევაში ცოცხალი მოთამაშეების რაოდენობასთან მიმართებით 10-ჯერ ან მეტჯერაც კი მეტია მოთხოვნა ნივთებზე, რაც მათ ფასს რადიკალურად ზრდის.
ამ ყველაფერს როდესაც ემატება ისეთი დაბალი რეიტები როგორიც ძველ Hard სერვერზე იყო, იქმნება რადიკალური დეფიციტი, მიწოდება ვერ აკმაყოფილებს მოთხოვნას და სერვერის ეკონომიკაც მყარდება, რაც სერვერს აძლევს შესაძლებლობას ორიენტირდეს ხანგრძლივ პერსპექტივაზე და გააკეთოს მრავალთვიანი ან წლიანი გათვლები.
შეჯამება: რაც უფრო მეტია პერსონაჟი მიუხედავად იმისა ბოტია ის თუ მოთამაშე, მით უფრო მეტია მოთხოვნა ნივთებზე.
როგორ ეხმარება ბოტ პროგრამები მოთამაშეებს?
როგორც ზევით ავღნიშნეთ, მოთამაშეების ნაწილი რომელიც დღეს აღარ თამაშობს, არ თამაშობს დროის ფაქტორის გამო, ბოტ პროგრამები ამ მოთამაშეებს აძლევს შანსს მიანდონ რუტინული საქმე მანქანას და თვითონ კონცენტრირდნენ ცხოვრებისეულ ყოველდღიურ საჭიროებებზე, საღამოობით კი განიტვირთონ მათთვის საყვარელ თამაშში.
იმ მოთამაშეები კი ვისაც ბოტ პროგრამების არსებობა არ მოსწონს, გვინდა დავამშვიდოთ: ბოტ პროგრამების ძალა კონსისტენტურობაშია და მოკლევადიან პერსპექტივაში არავითარ ბენეფიტს არ იძლევა. აქტიური მოთამაშე რომელსაც აქვს დრო და ენერგია ყველაფერი საკუთარი ხელით აკეთოს და დღეში 10 საათი თამაშს დაუთმოს, მოკლევადიან პერსპექტივაში ყოველთვის ბოტებზე დამოკიდებულ მოთამაშეზე წინ იქნება.
სირთულეები და კრიზისის გადალახვის პერიოდი
ჩვენი გამოცდილება აჩვენებს რომ Bot პროგრამიანი, Low რეიტ სერვერის პირველი პერიოდი საკმაოდ კრიზისულია, როგორც S-მა ახსენა საკუთარ ისტორიაში: სერვერის სიცოცხლის ყველაზე ადრეულ ეტაპზე ძალიან მდარე თამაში მიდიოდა. დაბალრეიტიან და უბაფო სერვერზე პირველი პერიოდი საკმაოდ რთული გადასალახია, ეს ყველაფერი მოთამაშეების გამძლეობასა და ადმინისტრაციის დაუღალავ შრომასთან არის დაკავშირებული.
სერვერი როგორცკი მიაღწევს დონეს როდესაც კლანებს საკუთარი Buffer-ები ყავთ, უკვე იწყება აქტიური თამაში.
მაგრამ მაინც ოპტიმისტურ ნოტაზე მინდა დავასრულო ეს საუბარი, დღეს სხვა დროა, დღეს სხვა დონეზე ისწავლა ქართველმა მოთამაშეებმა Lineage-ს თამაში, საერთოდ არარის გამორიცხული ის რომ გამოჩნდება ისეთი მოთამაშეები და კლანები რომლებიც კონცენტრირდებიან Const ფართების აკვრაზე, ბარდების ფართიში ჩასმით და სერვერის სტარტის პირველივე დღესვე ჩაერთვებიან ბატალიებში და ლოკაციისთვის ბრძოლებში.
ყოველთვის არსებობენ მოთამაშეები რომლებიც ნელა და საფუძვლიანად ვითარდებიან და მოთამაშეები ვისი თამაშიც სპრინტს გავს. ამ სერვერს შეუძლია ორივე აუდიტორიის მოთხოვნები დააკმაყოფილოს.
დღევანდელ რეალობაში MMORPG თამაშების უმრავლესობამ დაიწყო AutoFarm-ის ჩაშენება რათა მოერგონ მათი აუდიტორიის გამოწვევებს.
ჩვენც ვცდილობთ მოვერგოთ მოთამაშეების გამოწვევებს და სურვილებს. არავის არ მოსწონს სერვერები რომელიც 1 თვეში იხურება, მაგრამ სერვერის სიცოცხლისუნარიანობისთვის ბრძოლაში მოთამაშეებსაც თავისი წილი აქვთ, სერვერს კრიზისული პერიოდს მოთამაშე ალახინებს, ხოლო ის შრომა, რწმენა და ენერგია რაც სერვერში ჩადო, უკუგებას იძლევა მდარე თამაშის პერიოდის გადალახვისას.
რთული და დაბალრეიტიანი სერვერი, ქართულ რეალობაში ყოველთვის აწყდება პირველი პერიოდის კრიზის, მაგრამ გადალახვის შემდგომ ამ სერვერს ხანგრძლივი დროის მანძილზე აღარაფერი ემუქრება, მაღალრეიტიან სერვერებზე დასტარტვა ადვილია, შესაბამისად პირველი პერიოდის კრიზისი არ არსებობს, სამაგიეროდ თავს იჩენს განვითარებით გამოწვეული კრიზისი, როდესაც მოთამაშეს ყველაფერი აუცილებელი აქვს და აღარ იცის რის გამო გააგრძელოს თამაში, ნელნელა ის ნივთებიც უფასურდება რაც მოიპოვა და ყველაფერი აზრს კარგავს.
ძლიერი და სტაბილური სერვერის შექმნა მოთამაშეებისა და ადმინისტრაციის ერთობლივი ძალისხმევით ხდება და ერთად, ჩვენ ეს შეგვიძლია!