Oct 3, 2024
მოგესალმებით, მოთამაშეებო!
გვინდა გაცნობოთ სასიხარულო ამბები, თითქმის ერთ წლიანი ლოდინის შემდეგ, დადგა ის ნანატრი მომენტი, როდესაც სერვერი ოფიციალურად იხსნება.
ჩვენი გუნდი დიდ მადლობას გიხდით მოთმინების, გაგების და გვერდში დგომისთვის. ჩვენ მთელი ამ დროის მანძილზე დაუღალავად ვმუშაობდით სერვერის ცვლილებებზე. მასიური სამუშაოები ჩატარდა PTS ბირთვის ცვლილებებზე და High Five ქრონიკიდან C4/Interlude ქრონიკის კონტენტამდე თამაშის ჩამოწევაზე.
შეგახსენებთ, რომ ეს გადაწყვეტილება მიღებული იქნა დღევანდელ ტექნიკურ რეალობაზე დაყრდნობით და მოთამაშეების კომფორტზე ზრუნვით. ძველი ქრონიკების კლიენტი საკმაოდ პრობლემატურია Win 10 / Win 11 სისტემებზე. ასევე, ახალ Hardware და Software გამოწვევებთან სრულიად შეუსაბამოა, რაც ხშირად იწვევს Crit Error-ებს და აღმოუფხვრელ ლაგებს. ამავდროულად მოძველებული კლიენტი არ იძლევა სერვერის შემდგომი განვითარების პერსპექტივას, რაც ამ გადაწყვეტილების მიღების ერთ-ერთი კრიტიკული მიზეზი იყო.
მოსალოდნელი სიახლეები
ქართული კლიენტი, ქართული თამაში - ჩვენი გუნდი აქტიურად მუშაობს მთელი თამაშის თარგმნაზე, ამ დროისთვის უკვე მზად არის ქართული თარგმანის Alpha ვერსია, რომელიც სერვერის სტარტთან ერთად ჩაეშვება და ნელ-ნელა დაიხვეწება. პირველ ეტაპზე მიიღებთ მხოლოდ კლიენტის ნათარგმნ ვერსიას, შემდგომში იგეგმება NPC-ს დიალოგებისა და სხვა სერვერული ნაწილის ქართული თარგმანიც.
ინტერფეისის განახლება - ჩვენი გუნდი აქტიურად მუშაობს სერვერის ინტერფეისზე, რომელიც ასევე გააუმჯობესებს ოპტიმიზაციას და მოთამაშეებს შემოგთავაზებთ გაუმჯობესებულ შესაძლებლობებს, მათშორის Auto Farm-ის ფუნქციონალს კლიენტში, სწრაფ ავტორიზაციას, ფართის მართვის ფუნქციონალს და სხვა მრავალს.
L2Walker-ის სტაბილური ვერსია - მოგეხსენებათ, რომ L2Walker-ის მხარდაჭერა ათი წლის წინ შეწყდა, ეს ბოტ პროგრამაც ძალიან მოძველებულია და არასტაბილურად მუშაობს დღევანდელ სისტემებზე. სერვერის სტარტის ამ ეტაპზე სერვერი გთავაზობთ ბოტების მრავალფეროვან არჩევანს, მათ შორის L2Walker-სა და მის ანალოგს L2Project-ს, რომელსაც დღემდე აქვს საპორტი და ამ ბოტ პროგრამაში ფუქნციონალის დამატება შეგიძლიათ მოსთხოვოთ პროგრამის შემქმნელებს. დეტალური ინფორმაცია იხილეთ Discord-ში.
L2Walker-ის სტაბილური ვერსიის შექმნაზე ვემუშავებით უცხოელ დეველოპერებს, ამ მიმართულებითაც სიახლე მალე გვექნება.
ივენთები - ჩვენი მიზანია მოთამაშეებს შეგიქმნათ არამხოლოდ კომფორტული და სასიამოვნო სათამაშო გარემო, არამედ შემოგთავაზოთ ონლაინ და ოფლაინ გართობის შესაძლებლობები, რაც მოიცავს პერიოდულად ფეხბურთს, Airsoft-ს, კარტინგებს და სხვა საინტერესო აქტივობებს.
სერვერის სტარტი
ამავდროულად გვინდა გაცნობოთ სერვერის სტარტთან დაკავშირებული ბოლო სიახლე. ამ ეტაპზე სერვერი აქტიური ტესტირების ფაზაშია, მიმდინარეობს ოფიციალური სტარტისთვის მზადება. იქიდან გამომდინარე რომ სატესტი მასალა საკმაოდ დიდია, ხოლო დრო ძალიან ცოტა დაგვრჩა, მოსალოდნელი უზუსტობების თავიდან ასარიდებლად გადაწყდა სერვერის სტარტის ერთი კვირით გადაწევა - 11 ოქტომბრისთვის.
დამატებით დროს ვიღებთ იმისთვის, რომ მაქსიმალურად გადავამოწმოთ ყველა დეტალი სერვერის სტარტამდე და თავი დავიზღვიოთ სერვერის სტარტთან დაკავშირებული მოსალოდნელი რისკებისგან.
კიდევ ერთხელ, მადლობას გიხდით მოთმინებისა და მხარდაჭერისთვის!