პრედატორების ჟურნალი - პოლიტიკური გადალაგება

გასული კვირების განმავლობაში სერვერზე შედარებით სტაბილური მდგომარეობა იყო. Hellbound-ის კუნძულის გახსნის გამო თითქმის ყველა დიდი კლანი ახალი ტერიტორიების ათვისების ეტაპზე გადავიდა და ცდილობდა რაც შეიძლება მალე შეექმნა Dynasty საჭურველი. ზოგიერთმა მათგანმა კი ეს შეძლო და სერვერზე უკვე შეხვდებით Dynasty საჭურველსა და იარაღში გამოწყობილ პერსონაჟებს.

სერვერზე პირველად გამოიღვიძა ქალღმერთი შილენის შვილმა, მიწის დრაკონმა Antharas-მა, მისი განგმირვა კი კლანმა Empire-მ შეძლო. 

ასევე აღსანიშნავია ის ფაქტიც, რომ მალევე კლანი Empire ორ ნაწილად გაიყო , Veilshot და კიდევ რამდენიმე წევრი გადავიდა კლან BlackRock-ში, დანარჩენები კი კლან Empire-ში დარჩნენ.

ტერიტორიულ ომებზე კლანები დაზავდნენ. Alone-ს მფლობელობაში არსებული Aden ციხესიმაგრიდან მათმა ალიანსმა კლანმა Vanguard -მა Oren-ის დროშა წაიღო , სხვა მხრივ კი თავდასხმები და შეტაკებები არ ყოფილა.

რაც შეეხება მომდევნო კვირას სასახლეების ალყებს, BlackRock-ის კლანი Barkshire უტევდა Vanguard ის მფლობელობაში მყოფ Oren-ს. გამომდინარე იქიდან, რომ წინა ალყის დროსაც იყო Barkshire შემტევ კლანად დარეგისტრირებული, თუმცა ციხესიმაგრის დაპყრობა არავის უცდია, კლანი არც ამჯერად ელოდა თავდასხმას, ამიტომ მოუმზადებელი დახვდა მტერს. თუმცა ამჯერად ყველაფერი სხვანაირად მოხდა. პირველივე წუთებზე დაესხნენ თავს Oren-ციხესიმაგრეს Blackrock კლანის წევრები, სამეფო ტახტის დარბაზში მყოფმა ოთხმა Vanguard-ის წევრმა კი მათ წინააღმდეგობა ვერ გაუწია , ამიტომ Blackrock-მა მარტივად დაიკავა ციხესიმაგრე , გაანადგურა კრისტალები და ციხეში გამაგრდა, თუმცა სასახლის დაპყრობის პროცესი არ დაუწყია. ამ დროს Vanguard-ის წევრები მიხვდნენ, რომ სასახლის დაკარგვის საფრთხე რეალური იყო, ამიტომ გამოიძახეს ყველა კლანის წევრი და დასახმარებლად მოუხმეს ალიანსში მყოფ კლან Alone-საც.  ორი კლანი დიდი ძალებით შეიკრიბა Oren ის ქალაქში და სასახლისაკენ დაიძრა, თუმცა იმ დროს, როდესაც უკვე სატახტო დარბაზში უნდა შესულიყვნენ, Barkshire-ს ლიდერმა Soraka-მ დაასრულა სასახლის დაპყრობის 5 წუთიანი რიტუალი და Vanguard-ისა და Alone-ს ყველა წევრი უკან , ქალაქში დაატელეპორტა. ძალების ხელმეორედ შეკრებას და გაერთიანებას გარკვეული დრო დასჭირდა , რის შემდეგაც ალიანსმა ძალიან მარტივად შეძლო გამაგრებულ სასახლეში შეღწევა და ციხესიმაგრის დაბრუნება. Blackrock-მა რამდენჯერმე კიდევ სცადა ციხესიმაგრის დაპყრობა , ერთ შეტევაზე მოახერხეს Vanguard-წევრების დახოცვა, თუმცა კლანი მანამ დაბრუნდა ციხესიმაგრეში , სანამ Soraka სასახლის დაპყრობის 5 წუთიან პროცესს დაასრულებდა და  მისი გაჩერება შეძლო. 

სავარაუდოდ ძალების გაყოფის მიზნით, BlackRock, Alone-ს მფლობელობაში მყოფ Aden-ის ციხესიმაგრეს დაესხა თავს და დაუცველად დატოვებული სასახლის სტრატეგიული წერტილები მთლიანად გაანადგურა, რათა Vanguard-ის დასახმარებლად მისული Alone-ს წევრები ეიძულებინა უკან , Aden-ში დაებრუნებულიყვნენ, თუმცა Alone ორენის ციხესიმაგრეში დარჩა და Vanguard-ის დახმარება განაგრძო, რის შედეგადაც უკვე დანგრეული და დაუცველად დატოვებული ციხე კლანმა Takso-მ დაიპყრო. 

მომდევნო ბრძოლა Giran-ის ციხესიმაგრის ტერიტორიაზე დაიწყო. კლანმა Blackrock-მა მთელი ძალებით შეუტია ციხეს და მარტივად შეძლო მისი დაპყრობა , რის შემდეგაც Alone და Vanguard გაერთიანებული ძალებით ცდილობდნენ სასახლის დაბრუნებას , თუმცა ერთ საათიანი წარუმატებელი შეტევების შემდგომ კლანები დანებდნენ და ციხესიმაგრის ალყა შეწყვიტეს.

საკმაოდ საინტერესო აღმოჩნდა Frintezza-სთვის ბრძოლაც. კლან Blackrock ციხესიმაგრის ალყის დასრულების შემდგომ  Imperial Tomb-ისკენ გაემართა, რათა Frintezza-ს დადგომამდე ტერიტორია გაემაგრებინა , თუმცა მათ კლანი Empire დაესხა თავს და მარტივად შეძლო ტერიტორიის დაკავება. Blackrock დიდი ხნის განმავლობაში ცდილობდა ტელეპორტის ზონასთან დაბრუნებას, თუმცა Empire-ს ვერ უმკლავდებოდა. დაახლოებით 2 საათიანი ბრძოლის შემდგომ Blackrock-მა შეძლო Empire-ს დამარცხება და ტელეპორტის ზონა დაიკავა. Empire-მ რამდენჯერმე  სცადა Frintezza-ს ტელეპორტთან დაბრუნება, თუმცა უშედეგოდ. მალევე Frintezza-მაც გამოიღვიძა, Blackrock-მა ტელეპორტის ზონიდან მის დარბაზში გადაინაცვლა და მარტივად დაამარცხა იმპერატორი ბაიუმის ვაჟი.  

სავარაუდოდ მომდევნო კვირა ბევრად უფრო სისხლიანი იქნება. ტერიტორიული ომები ზავით აღარ დასრულდება და კლანები უკვე მაქსიმალურად ეცდებიან საკუთარ ციხესიმაგრეში რაც შეიძლება ბევრი დროშის გადატანას.