პრედატორების ჟურნალი - ადენის დაცემა

ბოლო ციხესიმაგრეების ალყა ძალიან საინტერესო აღმოჩნდა. სერვერზე კლანი Empire-ს დომინირება თითქმის ყველა სხვა კლანის გაერთიანების მიზეზი გახდა. 9 დროშიანი ციხესიმაგრიდან იმპერიის გამოსაძევებლად გაერთიანდნენ კლანები JustRulers , ThunderMakers, Darkside და Vanguard . გამომდინარე იქიდან, რომ Darkside უკვე ფლობდა Rune-ს ციხესიმაგრეს, Vanguard კი ორენს, შემტევ კლანებად მხოლოდ ThunderMakers და JustRulers იყვნენ დარეგისტრირებულები, თუმცა იმპერიის ჩამოგდებაში Darkside და Vanguard-იც იღებდა მონაწილეობას. 

შეტევა კლანებმა ცალ-ცალკე დაიწყეს, ყველა კლანი თავისი ძალებით დროდადრო უტევდა Aden-ს, თუმცა Empire ძალიან კარგად ახერხებდა სასახლის დაცვას. პირველი საათის განმავლობაში ციხესიმაგრის კარიბჭეც კი არ ჩამონგრეულა, თუმცა შემდგომ უკვე, როდესაც კარიბჭე ჩამოინგრა, Empire-ს წევრებს გალავნის შიგნით მოუხდათ გამაგრება, რის გამოც DarkSide-მა გალავნის კედლები ფაქტობრივად ბრძოლის გარეშე ჩამოანგრია. ბრძოლის შიდა პერიმეტრზე დაწყების შემდგომ შემტევი კლანები შეთანხმდნენ, რომ ერთმანეთს არ დახოცავდნენ და მთელს ძალებს იმპერიასთან ბრძოლას მოახმარდნენ. ასეც მოხდა. გაერთიანებული ძალებით სამმა კლანმა (DarkSide, ThunderMakers, JustRulers) უკვე ღირსეული კონკურენცია გაუწია იმპერიას, ქანდაკებასთან მისვლა და სასახლის დაპყრობა რამდენჯერმე სცადა, როგორც ThunderMakers ასევე JustRulers-მა მაგრამ იმპერიამ პირველი რამდენიმე მცდელობის ჩაშლა შეძლო, თუმცა სასახლის ალყის მიწურულს შემტევმა კლანებმა ქანდაკების ოთახი მთელი ძალებით გაამაგრეს. Thundermakers-ის კლანის ლიდერმა DIKIMBE-მ პირველმა დაიწყო ქანდაკებასთან სასახლის დაპყრობის 5 წუთიანი პროცესი , რამდენიმე წამის შემდგომ JustRulers-ის ლიდერი Wkap მივიდა ქანდაკებასთან და მანაც დაიწყო სასახლის დაპყრობა.  იმ შემთხვევისთვის, თუკი იმპერია შეძლებდა ქანდაკების ოთახში შემოღწევას და ერთ-ერთი ლიდერის შეჩერებას, რომ მეორეს მაინც მოეხერხებინა სასახლის დაპყრობა, 

ხუთ წუთიანი პროცესი ორივე კლანს, განსაკუთრებით კი მათ ლიდერებს საათებად ეჩვენებოდათ, ქანდაკების ოთახში დაძაბულობა პიკს აღწევდა, ყველაფერი შეიძლებოდა მომხდარიყო და ეს ყველა მხარემ კარგად იცოდა, JustRulers და ThunderMakers-ს არანაირი სტრატეგიული პარტნიორობა არ ჰქონდა ერთმანეთთან გარდა იმპერიის ჩამოსაგდებად შექმნილი დროებითი ზავისა. ქანდაკებასთან Empire-ს წევრები ვერ შემოდიოდნენ, რაც JustRulers-ისათვის იმას ნიშნავდა, რომ Aden-ს მათ ნაცვლად სხვა კლანი ჩაიგდებდა ხელში და ალყის განმავლობაში დროც კი აღარ დარჩებოდათ იმისათვის, რომ ციხესიმაგრე ხელმეორედ დაეპყროთ, სულ რამდენიმე წამიღა იყო დარჩენილი, სანამ DIKIMBE ადენის ციხესიმაგრეს დაიპყრობდა, სწორედ ამ დროს  DarkSide-ის რამდენიმე წევრი ThunderMakers-ის ლიდერს თავს დაესხა და უკვე თითქმის დასრულებული სასახლის გადაფორმების პროცესი გააწყვეტინა. 

 ზოგიერთი მოთამაშის თქმით, ამ პერსონაჟებს კომპიუტერმა გაუჭედა , ზოგიერთის თქმით Darkside-ს ამ წევრებმა არაფერი იცოდნენ შეთანხმების შესახებ , ზოგიერთი კი ფიქრობს, რომ ეს კარგად დაგეგმილი შეთქმულება და ტაქტიკური სვლა იყო ადენის ხელში ჩასაგდებად ,  ამის შეფასება უკვე მკითხველისთვის მომინდია.

ThunderMakers-ს სულ რამდენიმე წამი ჰქონდა გადაწყვეტილების მისაღებად, მათ შეეძლოთ გამოსულიყვნენ კლანიდან, რათა Wkap-ზე თავდასხმის უფლება მიეღოთ და მისთვისაც შეეჩერებინათ სასახლის დაპყრობის პროცესი, თუმცა DIKIMBE-ს თქმით, მიუხედავად იმისა მათ ამის გაკეთება ძალიან მარტივად შეეძლოთ, მათთვის მთავარი მიზანი არა Aden-ის ხელში ჩაგდება, არამედ იმპერიის სამეფო ტახტიდან ჩამოგდება იყო, ამიტომ, მათ ციხესიმაგრე ThunderMaker-ს დაუთმეს. 

Aden-ის სასახლე JustRulers-ის მფლობელობაში გადავიდა, თუმცა ალყა ჯერ კიდევ არ იყო დასრულებული. Empire-მ ალყის ბოლო წუთებზე მოასწრო კონტრ შეტევა ახლად მოპოვებული Aden-ის მცველების ბარიკადების გარღვევა. მათი ლიდერი Veilshot შეიჭრა ქანდაკების ოთახში და 5 წუთიანი დაპყრობის პროცესი დაიწყო, თუმცა ამ დროის განმავლობაში JustRulers-ის წევრმა Immortal-მა მოახერხა და მას პროცესი გააწყვეტინა. საბოლოოდ 9 დროშიანი Aden-ის ციხესიმაგრე კლან JustRulers-ს დარჩა.

8 საათზე ყველაზე საინტერესო Rune-ციხესიმაგრის ალყა აღმოჩნდა.  9 დროშიანი ადენის ახალი მფლობელი კლანი JustRulers შეუერთდა ForgoTTenS ალიანსს და კლან Darkside-ს Rune-ს ციხესიმაგრის დაცვაში დაუდგა გვერდით.  სასოწარკვეთაში მყოფი კლანი ThunderMakers, რომელმაც ადენის ხელში ჩაგდების ძალიან რეალური შანსი გაუშვა ხელიდან მათ მთელი ძალებით უტევდა , თუმცა პირველი საათის განმავლობაში ყველა შეტევა უშედეგო აღმოჩნდა. ბრძოლა ხიდს მხოლოდ მეექვსე შეტევისას გასცდა, ამჯერად ThunderMakers-მა უკვე შეძლო კარიბჭის ჩამონგრევა და ციხესიმაგრის მთავარ შენობაში შეღწევა, თუმცა ციხესიმაგრის ქანდაკებასთან მისვლას კლანი მაინც ვერ ახერხებდა. ლიდერმა ერთხელ შეძლო და ქანდაკებამდე მიირბინა, თუმცა ის მალევე მოკლეს ციხის დამცველმა კლანის წევრებმა . ForgoTTenS წარმატებით იცავდა Rune-ს სასახლეს თუმცა ბოლო წუთებში ალიანსის ნაწილი გამოეყო ციხესიმაგრის დამცველთა რიგებს და ახლად გამოღვიძებულ Frintezza-ს მოსაკლავად დატელეპორტდა, დარჩენილმა ძალებმა კი ვერ შეძლო ციხის გამაგრება და ბოლო წუთებზე ThunderMakers-მა შეძლო Rune-ს სასახლის დაპყრობა. 

უსასახლოდ დარჩნენ კლანები Empire და DarkSide, ასე რომ მომდევნო ტერიტორიულ ომებში მათ მნიშვნელოვანი მონაწილეობა აღარ მიუღიათ. როგორც უკვე იცით ყველა სასახლის დროშა Aden-ის ციხესიმაგრეში იყო გამოფენილი, JustRulers მათ დაცვას ცდილობდა, ThunderMakers კი პირველ რიგში ცდილობდა, რომ ადენის დროშა მოეპარა, შემდგომ კი Rune-დროშასთან ერთად რაც შეიძლება მეტი სხვა სასახლის დროშა წაეღოთ თავიანთ ახლად მოპოვებულ ციხესიმაგრეში.

ThunderMakers-ის პირველი რამდენიმე შეკვეთა წარუმატეველი აღმოჩნდა, თუმცა შემდგომ მათ კლან Empire-ს წევრები დაეხმარნენ და რამდენიმე დროშა მოაპოვებინეს, რათა ორივე კლანი მაქსიმალურად დაკავრბული ყოფილიყო დროშების როგორც დაცვით, ასევე მოპარვით და ოლიმპიადაში Empire-ს უკონკურენტოდ მიეღო მონაწილეობა. 

დაძაბული ორი საათის შემდგომ ადენმა დაკარგა საკუთარი დროშა, ThunderMakers-მა კი შეძლო საკუთარი და 3 სხვა ციხესიმაგრის დროშის Rune-ში გადატანა. საბოლოო ჯამში ერთადერთი კლანი, რომელსაც ტერიტორიული ომების შემდგომ აქტიური დროშები დარჩა გახდა ThunderMakers. მის ციხესიმაგრეს ამშვენებს საკუთარი, ანუ Rune, Innadril, Dion და Schuttgart დროშები

რაც შეეხება Epic Boss-ებს  Frintezza-ს განგმირვის ორი მცდელობა წარუმატებლად დასრულდა. პირველ ჯერზე კლანმა JustRulers-მა ვერ შეძლო მისი მოკვლა, მეორე ჯერზე კი კლანმა ThunderMakers-მა. თუმცა Empire-ს დომინირების შემდგომ კლანებმა მაინც მოახერხეს წინსვლა .  JustRulers-მა ორჯერ მოკლა Queen Ant ხოლო ThunderMakers-მა იმპერატორი Baium განგმირა.  მეკობრეების კაპიტან Zaken-ს კი ისევ კლანი Empire აკონტროლებს. 

ბოლო მოვლენების შედეგად სერვერზე ძალები გათანაბრდა, თუმცა მომდევნო ციხეების ალყაც ძალიან საინტერესო იქნება. იმპერიამ უკვე გამოთქვა პრეტენზია დაკარგული Aden-ის დაბრუნებაზე, გარდა ამისა Mini-clan ების საშუალებით ბრძოლა გამოუცხადა Giran და Oren ციხესიმაგრეებს, ასე რომ ForgoTTenS ალიანსს რთული ბრძოლები ელით წინ...