Dec 9, 2024
გასული ორი კვირის განმავლობაში სერვერზე მოვლენები ძალიან საინტერესოდ განვითარდა. ტერიტორიულ ომებზე კლანების მიერ ახლად აღებული Dion ისა და Gludio-ს დროშებმა გირანში გადაინაცვლეს. ორი საათის განმავლობაში თითქმის შეუჩერებლად მიმდინარეობდა დაძაბული და საინტერესო ბრძოლები. Aden-ის მფლობელი კლანი Empires-ი ცდილობდა საკუთარი დროშის დაბრუნებას , მათ შეძლეს და თავისი სასახლის გარდა ორი , სხვა სასახლის დროშაც გადაიტანეს Aden-ის ციხესიმაგრეში , მაგრამ ბოლო წუთებზე Thundermakers-მა მაინც შეძლო დროშების უკან დაბრუნება. მომდევნო ტერიტორიულ ომამდე მათ საკუთრებაში იქნება ექვსი ქალაქის: Giran , Gludio , Dion , Aden , Innadril და Schuttgart-ის დროშები.
ტერიტორიული ომების შემდგომ კვირას, სასახლეებისთვის გაიმართა ბრძოლები. წინა წარუმატებელი ალყის შემდგომ ახლად შექმნილმა კლანმა Vanguard-მა მთელი ძალებით შეუტია NPC ების მფლობელობაში მყოფ Oren-ის ციხესიმაგრეს. სასახლის გალავანი ოთხმა გოლემმა სულ რამდენიმე წამში ჩამოანგრია, შემდგომ კი ალიანსში მყოფი კლანის Darkside-ის და მისი ლიდერის D1-ის დახმარებით Vanguard-მა მალევე შეძლო ციხესიმაგრის დაპყრობა.
მოწინააღმდეგე კლანები Empires და Thundermakers ერთმანეთის სასახლის წართმევას ცდილობდნენ, თუმცა Aden ზე თავდასხმისას Thundermakers-მა კარიბჭის ჩამონგრევაც კი ვერ შეძლო Empire-ს რიცხვობრივი უპირატესობის გამო. Giran-ზე თავდასხმისას კი კლანმა Empires-მა მართალია ჩამოანგრია გალავნის კარიბჭე და რამდენიმე კრისტალიც გაანადგურა , თუმცა Thundermakers-მა საბოლოოდ სასახლის დაცვა მაინც მოახერხა.
Goddard-ის ციხესიმაგრეზე შემტევებად მხოლოდ Qeshebi და Vanguard იყო დარეგისტრირებული. გამომდინარე იქიდან, რომ ალყის დაწყებამდე კლან Vanguard-ს უკვე ჰქონდა აღებული Oren, კლან Qeshebi-ს მოწინააღმდეგე არ ჰყოლია, ამიტომ სასახლის აღება მარტივად მოახერხა.
Rune-ს ციხესიმაგრეს კლანი Support და მისი ლიდერი Craftwizz უტევდა. მათ ეხმარებოდა კლანი Thundermakers-იც. მიუხედავად იმისა, რომ ციხესიმაგრეს სხვა შემტევი არ ჰყავდა ალყას მაინც საკმაოდ დიდი დრო დასჭირდა, თუმცა საბოლოოდ NPC-ებმა უკანასკნელი სასახლეც დაკარგეს და ყველა ციხესიმაგრე გადავიდა კლანების მფლობელობაში.
იმპერატორმა ბაიუმმა სერვერზე უკვე ორჯერ გამოიღვიძა. თუმცა კლანებმა ორივე ჯერზე მალევე მიაძინეს უკან.
პირველ ჯერზე კლანმა Thundermakers-მა მარტივად შეაღწია ბაიუმის ოთახში და მალევე განგმირა იგი, ხოლო მეორე ჯერზე მათ საგრძნობი წინააღმდეგობა გაუწია მოწინააღმდეგე კლანმა Empires-მა . დაძაბული ბრძოლების შემდგომ კლანის რამდენიმე წევრმა შეძლო ბაიუმის ოთახში შეღწევა და მისი გამოღვიძება , თუმცა კლანის დიდი ნაწილი გარეთ დარჩა , შიგნით მყოფმა წევრებმა კი Baium-ის განგმირვა ვერ შეძლეს. მას შემდგომ რაც ოთახში ბაიუმთან პირისპირ აღმოჩენილი Empire ს წევრები დაეცნენ , ოთახში Thundermakers მთელი კლანით შევიდა და ბაიუმის მეორე ბეჭედიც მოიპოვა.
მიუხედავად Baium თან მარცხისა, აღსანიშნავია, რომ კლანი Empire უკვე ორი კვირაა, ყოველდღიურად კლავს Queen Ants-ს და ThunderMakers მათ შეჩერებას ვერ ახერხებს.
ასევე აღსანიშნავია ისიც რომ Zaken-ს მხოლოდ ThunderMaker-ს ფარმავს და არავის არ აკარებს ამ ეპიკთან!
სერვერზე არსებულ ორ ძლიერ კლანს ნელ-ნელა მესამე მხარეც ემატება . დროის გასვლასთან ერთად ვითარდებიან პერსონაჟებიც და ძლიერდება ალიანსი ForgoTTenS სადაც D1-ს კლანი DarkSide და Ulmo-ს კლანი Vanguard არიან გაერთიანებულები. მათ მომდევნო კვირას ტერიტორიულ ომებზე ახლად მოპოვებული Oren-ის დროშის დაცვა და ძალიან ძლიერ ორ კლანთან Empires-თან და Thundermakers თან მოუწევთ დაპირისპირება. დიდი ალბათობით Empires შეეცდება საკუთარი დროშის დაბრუნებას, Thundermakers კი სამი ახლად მოპოვებული ციხესიმაგრეების , Oren , Goddard და Rune-ს დროშების ხელში ჩაგდება და Adenelmor-ის მთელს კონტინებტზე ბატონობა ექნება განზრახული. თუმცა მათ ახლა ბევრად უფრო დიდი ყურადღება მართებთ , რადგან საკუთარი დროშის დაკარგვის შემთხვევაში ყველა სხვა დროშაც დაკარგავს ძალას. წინ ძალიან საინტერესო და დაძაბული კვირა გველის დარწმუნებული ვარ მომდევნო ტერიტორიული ომები ჯერ არნახულად სისხლიანი აღმოჩნდება.
თუმცა ტერიტორიულ ომებამდე, ხუთშაბათს, სერვერზე ბაიუმის უმცროს ვაჟთან, ადენელმორის უკანასკნელ იმპერატორთან Frintezza-სთან შეხვედრა გახდება შესაძლებელი. იმის შემდეგ რაც ძალაუფლების დაკარგვის შიშით დაბრმავებულმა Frintezza-მ საკუთარი უფროსი და, წმინდა სოლინა სიკვდილით დასაჯა, მას ხალხი აუჯანყდა, ტახტის შესანარჩუნებლად კი ის დემონ Halisha-ს შეეკრა და გოდარდის შორეულ ნანგრევებს შეაფარა თავი. სწორედ იქ შეძლებენ მოთამაშეები მის პოვნას და Halisha ს განგმირვის შემთხვევაში ტერიტორიულ ომებზე Frintezza-ს ყელსაბამით დამშვენებული პერსონაჟით ბრძოლას.
ბაიუმის დაცემა
უკვავების მოპოვების სურვილით შეპყრობილი იმპერატორი Baium დაეცა. მისი ადგილი მისმა ვაჟმა Frintezza-მ დაიკავა. თუმცა ის ხალხში მამამისის მსგავსი პოპულარობით ვერ სარგებლობდა. ნელ-ნელა მოსახლეობის უმეტესობა მისი უფროსი დის, სოლინას მიმდევარი ხდებოდა , მიუხედავად იმისა , რომ სოლინას მმართველობის არანაირი სურვილი არ ჰქონია , Frintezza მაინც დააბრმავა ძალაუფლების დაკარგვის შიშმა. მან იმპერატორის არმიას მდუმარების მონასტერში შეჭრა, სოლინას დაკავება და მისი მიმდევრების დახოცვა უბრძანა.
სოლინა საკუთარი ნებით ჩაბარდა თავისი ძმის არმიას , რის შემდეგაც ის ერთი კვირის განმავლობაში იყო პატიმრობაში , შემდგომ კი Frintezza-მ ის საჯაროდ სიკვდილით დასაჯა.
სწორედ ის აღმოჩნდა Frintezza ს მმართველობის დასასრულის მიზეზი, რაც მან ძალაუფლების შესანარჩუნებლად გააკეთა . სადემონსტრაციო სიკვდილით დასჯის შემდგომ ფრინტეზას ხალხი აუჯანყვა , სასოწარკვეთილი და შეშინებული იმპერატორი კი ტახტის შენარჩუნების მიზნით ბნელ დემონს , Halisha-ს შეეკრა და გოდარდის შორეულ ნანგრევებში დაიდო ბინა.
ამბობენ, რომ ის , დემონ Halisha-ს იმპერატორი Frintezza-ს ყელსამაბი უმშვენებს ყელს. ჯადოსნური სამკაული , რომელიც მის მფლობელს გასაოცარ გამძლეობის და მოხერხებულობის უნარს ანიჭებს .
ხუთშაბათს, 12 დეკემბერს თქვენ გეძლევათ შანსი, შეიჭრათ იმპერიის ნანგრევებში , მოძებნოთ Frintezza ,განგმიროთ მისი მოკავშირე დემონი Halisha და მოიპოვოთ Frintezza-ს ჯადოსნური ყელსაბამი.