ახალი სერვერი, ძველებური მოგონებებით

გახსოვთ ის ძველი დრო? ალესილი SoulMaster როგორ დარბის მტრის საკლავად? გაბუსტული gudkaca როგორ გვწუწავს Hydro Blast-ით?

გახსოვთ ის დიდი ალიანსები რომლთა ბატალიებიც კვირების მანძილზე სასაუბრო თემა ხდებოდა? ბაფერებით გადავსებული ქალაქები? dzma buff plz! თხოვნებით?

მოგენატრათ? ალბათ ცოტაღა შემორჩა ჩვენს საყვარელ Lineage II-ს ისეთი მოთამაშეები რომლებიც დღევანდელ სერვერებზე თამაშობენ?!

ვისაც მოგენატრათ, ვისაც სურვილი გაქვთ. თქვენთვის! დაკავებული და მოძველებული მოთამაშეებისთვის, მათთვის ვისაც არ უნდათ სერვერიდან სერვერზე გადასვლა, მათთვის ვისაც არ აქვთ დრო ხელით აკეთონ ყველაფერი თამაშში, მათთვის ვისაც მოენატრა ის ძველი დრო!

გთავაზობთ ძველი ყაიდის Lineage-ს, არანაირი ბაფერი, არანაირი შოპი. მაქსიმალურად სუფთა თამაში, დაბალი რეიტებითა და L2Walker-ით.

Hard წარმოადგენს სრულიად ახალი სერვერის პროექტს რომელიც უშუალოდ მოთამაშეების მოთხოვნით გავაკეთეთ, სახელიც შესაბამისი შევურჩიეთ Hard - რაც პირდაპირ უკავშირდება იმ ძველ სერვერს რომელსიც ყველამ ასე შეიყვარა და რომელმაც ასეთი სასიამოვნო მოგონებები დატოვა

სერვერი აგებულია ოფიციალურ PTS ბირთვზე.

ტექნიკური დეტალები უმეტესად პრედატორის ძველი Hard-ის მაგალითის მიხედვით დადგინდა. იდეალური გადაწყვეტის მოფიქრება ძალიან ძნელია თუმცა სერვერი უფრო საინტერესო სათამაშო უნდა იყოს ვიდრე ადვილად მოსაბეზრებელი.

ვინაიდან და რადგანაც, სერვერი გათვლილია იმ ძველი მოთამაშეების ვიწრო აუდიტორიაზე რომელთა უმრავლესობაც თანამედროვე სერვერებზე აღარ თამაშობს, დროის უქონლობისა და მოკლევადიან სერვერებზე თამაშის სურვილისა და ინტერესის უქონლობის გამო. გადაწყდა სერვერი დარჩეს Default კონფიგურაციებზე, არ აიწიოს რეიტები და არ შემოვიდეს ბაფერი, შოპი და სხვა დამატებითი სერვისები.

ეს ყველაფერი ემსახურება ერთადერთ მიზანს, შევქმნათ გარემო სადაც მოთამაშეებს შეეძლებათ თვეებისა და წლების მანძილზე დაუბრკოლებლად თამაში.

ამ გადაწყვეტილების მიღებაში დიდი როლი ითამაშა L2Walker-ის ფაქტორმა, რადგან სერვერზე დაშვებულია ბოტ პროგრამა რომელიც გვაძლევს საშუალებას დიდი ძალისხმევის გარეშე მოვიპოვოთ სათამაშო ვალუტა და სხვა ღირებული ნივთები. საჭიროდ არ ვთვლით ხელშეწყობას ამ ნივთებისა და სათამაშო ვალუტის სწრაფად გაუფასურებაში.

სატესტო პერიოდი

სერვერის გახსნიდან 1 თვის მანძილზე სერვერი იმუშავებს სატესტო რეჟიმში. ტესტირების დამთავრებისას მონაცემების განულება არაა დაგემილი თუ რა თქმა უნდა რაიმე საგანგებო შემთხვევა არ მოხდა

სატესტო პერიოდში შემოწმდება სერვერის დაცვა, აპარატურის დატვირთვა, შეძლებისდაგვარად შეიცვლება ის პარამეტრები რაზეც მოთამაშეების უმრავლესობა დაგვისაბუთებს და გვირჩევს, დადგინდება საბოლოო რეიტები და დამხმარე საშუალებები.

სასიამოვნო გართობას გისურვებთ!