Antharas-ის გამოღვიძება

მას შემდეგ, რაც ქალღმერთი შილენი სხვა ღმერთებთან ომში დამარცხდა, მან მკვდართა სამეფოში გადაინაცვლა, მისი შვილები კი სხვადასხვა გამოქვაბულებში დაიმალნენ. მიწის დრაკონმა Antharas-მა გირანის სიახლოვეს მდებარე გამოქვაბულს შეაფარა თავი. ის საუკუნეების განმავლობაში იყო მიძინებული, თუმცა უკვე რამდენიმე დღეა მისი გამოქვაბულიდან მძვინვარე ღრიალის ხმა გამოდის. 

ადენ-ელმორის მკვლევარების თანახმად Antharas უზარმაზარი და სხვა ყველა ბოროტ მხეცზე ძლევამოსილი დრაკონია. მისი სხეული იმდენად მყარია, რომ ყველაზე ძლიერი იარაღითაც კი თითქმის შეუძლებელია მისთვის რაიმე ზიანის მიყენება. გარდა ამისა მას აქვს მკვდართა გამოცოცხლების და მათი დამორჩილების უნარიც, რაც მასთან შერკინებას კიდევ უფრო ართულებს. სავარაუდოდ Antharas-ს ჯერ კიდევ სძინავს, თუმცა გამოქვაბულიდან გამოსული ხმების სიხშირიდან გამომდინარე, მკვლევარები ვარაუდობენ, რომ 24 იანვარს , საღამოს 9 საათიდან 12 საათამდე, ძლევამოსილი დრაკონი გამოიღვიძებს და სამყაროს განადგურებას შეეცდება.

სწორედ ამიტომ, ადენ-ელმორის არმია მოუწოდებს ყველას, ვისაც სურს, რომ სამყარო დაიცვას და ამ თითქმის უძლეველ ურჩხულს დაუპირისპირდეს, ეწვიოს გირანის ცენტრში მდებარე NPC Gabrielle-ს რათა მოიპოვონ პორტალის ქვა, რომლის დახმარებითაც Antharas-ის ბუნაგში შეღწევას შეძლებენ.

მიწის დრაკონის დასამარცხებლად რეკომენდირებულია მასთან როგორც მინიმუმ 3-4 სრული Party-ით დაპირისპირება. 

Antharas-ის გამოღვიძების მოსახლოებასთან ერთად, სერვერზე ჩაეშვა ახალი განახლებები, რომლებიც თამაშს კიდევ უფრო საინტერესოს გახდის და უფრო აქტიურ ფაზაში გადაიყვანს. ჩვენ ვცდილობთ მაქსიმალურად გავითვალისწინოთ ყველა მოთამაშის თხოვნები და სურვილები და სერვერის შემდგომი განვითარება მოვარგოთ როგორც ძველი ქრონიკების, ასევე შედარებით ახალი ქრონიკების მოთამაშეებსაც.

რა გასწორდა

• გასწორდა Infinity Staff- ის M.atk

• გასწორდა Parnasus-ის ინსტანსებში ბოსების Celestial-ის მოხსნის შანსი

• ბაფის Dance of Shadow დრო 2 წუთიდან გაიზარდა 90 წუთამდე

• გასწორდა Kamaloka-ში კრისტალის 10 დან 11 lvl აწევის პრობლემა

რა დაემატა

• სერვერს დაემატა 80+ level-ზე ასვლის შესაძლებლობა

• ამ ეტაპზე 80 Level-ის შემდგომ Exp Rate შემცირდა 0.1x-მდე

• დამუშავდა ეპიკ ბოსი Antharas-ის ძალები და დროპი Interlude ქრონიკის შესაბამისად. (სერვერის განვითარებასთან ერთად შეიცვლება ეპიკ ბოსების ძალაც და დროპიც)

რა შეიცვალა

• ოლიმპიადა გახდა 2 კვირიანი. ამიერიდან სერვერზე გმირები გამოცხადდებიან ყოველ მომდევნო ორშაბათს.

• განახლდა ოლიმპიადის მაღაზია

• გაძლიერდა ეპიკ ბოსი Frintezza

• დასრულდა ფასდაკლება დონატ მოსასხამებზე

• დონატ მოსასხამები გახდა გაცვლადი (გადადის Trade-ში)

სერვერი უფრო და უფრო უახლოვდება Hellbound კუნძულის გახსნას, ასე რომ ჩვენ მაქსიმალურად ვცდილობთ პერსონაჟებს გაძლიერების შესაძლებლობა მივცეთ, რათა არ გაუჭირდეთ ახალი კონტინენტის ათვისება და ახალი გამოწვევების დაძლევა.