პრედატორების ჟურნალი - დომინირება

სერვერზე გასული ორი კვირა ძალიან დაძაბული და საინტერესო აღმოჩნდა. 4 საათზე გამართული სასახლის ალყებს შორის ყველაზე საინტერესო და დაძაბული Aden-სასახლისთვის ბრძოლა იყო. მისი წართმევა Empire-სთვის კლან Thundermakers-საც და JustRullers-საც სურდა . ისინი სასახლეს შეთანხმებულად, სხვადასხვა მხრიდან უტევდნენ და ცდილობდნენ მტერი ალყაში მოექციათ, თუმცა Empire 1 საათის განმავლობაში ძლიერად იყო გამაგრებული სასახლის კარიბჭესთან და მოწინააღმდეგეს ახლოს არ უშვებდა.  კარიბჭეზე წარუმატებელი შეტევის შემდგომ, Thundermakers-მა გოლემის საშუალებით სცადა გალავნის ჩამონგრევა თუმცა, სასახლის დამცველებმა გოლემის შემქმნელი მჭედელი ამოიღეს სამიზნეში და მისი მოკვლა მოახერხეს.  გალავანზე მომდევნო შეტევა კლანმა JustRullers-მა დაიწყო. მათაც გამოიძახეს საალყო გოლემი და კედელის დანგრევა დაიწყეს. ამჯერად JustRuller-ის მჭედელს კლანი Thundermakers-იც იცავდა, მაგრამ Empire-მ მაინც შეძლო მისი განგმირვა და საკუთარი გალავნის უნაკლოდ დაცვა. 

მას შემდგომ, რაც გალავნის ჩამონგრევის გეგმამ არ გაამართლა, კლანებმა გაერთიანებული ძალებით შეუტიეს ციხის მთავარ კარიბჭეს და ალყის დაწყებიდან 1 საათში როგორც იქნა მოახერხეს მისი ჩამონგრევა. სერვერზე ასეთი დაძაბული და მსგავსი მასშტაბის ბრძოლები ჯერ არ ყოფილა. ძალიან სწრაფად ახერხებდნენ უპირატესობის მოპოვებას როგორც შემტევი, ასევე მცველი კლანები . ალყის დასრულებამდე ნახევარი საათით ადრე ჩამოინგრა სამეფო დარბაზის კედელიც. Empire რთულ მდგომარეობაში აღმოჩნდა, უპირატესობა შემტევმა კლანებმა მოიპოვეს და სასახლის საათნახევრიანი მტკიცე დაცვის შემდგომ , პირველად გაჩნდა მისი დაკარგვის საფრთხე, ამიტომ მათ კლანი Darkside მოიხმეს დასახმარებლად, Darkside კი ერთი ჯგუფით შეუერთდა დამცველთა ბატალიონს.   Thundermakers-მა რამდენჯერმე სცადა ლიდერის ქანდაკების ოთახში შეყვანა და ერთხელ შეძლო კიდეც ქანდაკებამდე მისვლა, მაგრამ Empire მთელი ძალებით იბრძოდა იმისათვის, რომ სასახლე მტრისთვის არ დაეთმო და ამას ახერხებდა კიდეც. 

ალყისთვის განკუთვნილი დრო იწურებოდა, სულ რამდენიმე წუთი იყო დარჩენილი, როდესაც შემტევმა კლანებმა ძალები გააერთიანეს და ერთად შევიდნენ ქანდაკების ოთახში. სასახლის დამორჩილების 5 წუთიანი პროცესი JustRullers-ის ლიდერმა Wkap-მა დაიწყო, ორივე შემტევი კლანი კი ოთახს ამაგრებდა და ცდილობდა სასახლის მცველი კლანი ქანდაკებამდე არ მიეშვა. სულ რამდენიმე წამი იყო დარჩენილი ალყის დასასრულამდე, როდესაც Empire-ს ლიდერი Veilshot შევიდა ქანდაკების ოთახში და Stun-ის გამოყენებით Wkap-ს სასახლის დამორჩილების პროცესი გააწყვეტინა.  შემტევმა კლანმა მოკლა Veilshot და ალყისთვის გამოყოფილი 2 საათიც ამოიწურა. საბოლოოდ Aden კლან Empire-ს დარჩა.

8 საათზე მთავარი ბრძოლის ფრონტი ორ ნაწილად გაიყო. მიმდინარეობდა ბრძოლა, როგორც Rune-ს ასევე Giran-სასახლეებისთვის. 

 Rune-ს დაცვაში კლან JustRullers-ის არასრული შემადგენლობა იღებდა მონაწილეობას, ხოლო მათ უტევდა როგორც Thundermakers ასევე Darkside. განსხვავებით Aden-ის ალყისგან , Rune-ს სასახლის აღებისას შემტევი კლანები ერთმანეთს არ ეხმარებოდნენ და მათ შორისაც მიმდინარეობდა დაძაბული ბრძოლები. პირველ შეტევაზე Darkside-ს ლიდერმა D1-მა შეძლო სასახლის დაპყრობა , თუმცა მას მალევე დაესხა თავს მეორე შემტევი კლანი Thundermakers და სასახლე წაართვა. 

Rune-ს ალყის პარალელურად მიმდინარეობდა Giran-ის ალყაც. მას იცავდა Thundermakers და უტევდა ერთდროულად Empire-ც და JustRullers-იც.  

მაშინ, როდესდაც Thundermakers-ს მთავარი ძალები Rune-ს ასაღებად, შემდგომ კი გასამაგრებლად ჰყავდა გადაყვანილი , Giran-ის ციხესიმაგრეს Empire მიადგა. პირველ შეტევაზე მისი აღება ვერ შეძლო , თუმცა მეორე შეტევაზე უკვე მოახერხა და Thundermakers-ს სასახლე წაართვა.  ამის შემდგომ Empire  Aden-ის დაცვაში დახმარებისთვის მადლობის ნიშნად Rune-ს ალყაში ჩაერთო და კლან Darkside-ს დაუდგა გვერდით, თუმცა ამის გამო დაუცვალად დატოვებული ახლად მოპოვებული Giran მალევე დაკარგა და ის ხელში JustRullers-მა ჩაიგდო. 

ოთხივე კლანი ერთდროულად ორივე სასახლის ალყაში იღებდა მონაწილეობას. JustRullers-ს გირანის დასაბრუნებლად უტევდა Thundermakers და Empire , ამავდროულად Thundermakers ცდილობდა ახლად მოპოვებული Rune არ დაეკარგა. 

კლანი Thundermakers გამაგრდა Rune-ს ხიდზე , ამ დროს კი Empire-მ გირანი აიღო. რის შემდეგაც Thundermakers-მა ძალების უმეტესი ნაწილი Giran-ში გადაიყვანა. ეს თავის სასარგებლოდ გამოიყენა DarkSide-მ და დასუსტებული Rune აიღო. 

 ალყისთვის გამოყოფილი დროის მიწურულს JustRullers-ცდილობდა Giran-ის Empire-სთვის წართმევას , მაგრამ დროში ვეღარ ჩაეტია და საბოლოოდ Giran კლან Empire-ს დარჩა, Rune -  Darkside-ს. Thundermakers და JustRullers-კი სასახლეების გარეშე დარჩნენ. თუმცა უნდა აღინიშნოს, რომ მათაც ძალიან კარგად ითამაშეს და სულ სხვა დონის შერკინებები გვაჩვენეს.

 რაც შეეხება Epic Boss-ებს . ბაიუმის შემოდგომ გამოღვიძებას JustRullers და Thundermakers მოუმზადებლები დახვდნენ, Empire კი ძალიან მალე აღმოჩნდა მის დარბაზში და გამოღვიძებიდან სულ რამდენიმე წუთში ისევ მიაძინა დიდი იმპერატორი.

თუმცა კლანმა მხოლოდ იმპერატორის მკვლელობა არ იკმარა, მისი დარბაზიდან გამოსულმა Empire-მ ახლა უკვე ბაიუმის ვაჟის , Frintezza-ს სამალავისკენ გადაინაცვლა და მის გამოღვიძებას დაუწყო მოცდა. ამჯერად Frintezza-ს მოსაკლავად Thundermakers და JustRuller-იც დაირაზმა , თუმცა Empires რეიდ ბოსთან შესასვლელი დარბაზი კარგად ჰქონდა გამაგრებული და საათობით იცავდა მას. დაუღალავი ბრძოლის შემდგომ Thundermakers-მა და JustRullers-მა შეძლეს და Frintezza-ს შესასვლელი დაიკავეს. ბრძოლები გრძელდებოდა, თუმცა Baium-ისგან განსხვავებით ამჯერად Frintezza გამოღვიძებას აგვიანებდა. დარბაზში ტელეპორტაციის ზონას Thundermakers აკონტროლებდა , თუმცა როგორც აღმოჩნდა Frintezza-ს დადგომა სულ რამდენიმე წამით გამოეპარა , ეს დრო კი Empire-მ გამოიყენა და მის დარბაზში შეტაკების გარეშე შევიდა. საბოლოოდ Baium-იც და მისი ვაჟი Frintezza-ც კლანმა Empire-მ განგმირა.

ტერიტორიული ომები Empire-ს სრული უპირატესობით წარიმართა. გამომდინარე იქიდან, რომ მათ უკვე მოპოვებული ჰქონდათ ყველა სასახლის დროშა, კლანმა მთელი ძალები Aden-ის გამაგრებას მოახმარა და შეძლო, რომ ტერიტორიული ომებისთვის გამოყოფილი 2 საათის განმავლობაში არცერთი წუთით არ დაეკარგა მოპოვებული დროშები.

ამჟამად სერვერზე შესამჩნევი უპირატესობა აქვს კლან Empire-ს, თუმცა ახლად შექმნილი კლანი JustRullers დღითიდღე ძლიერდება, ასევე ძალას იკრებს D1-ის კლანი Darkside, ტერიტორიული ომების დროს Darkside-ს Empire-ზე თავდასხმის შემდგომ ამ ორ კლანს შორის დროებით არსებული მეგობრული მდგომარეობა მტრობით შეიცვალა, ასე რომ არავინ იცის რა მოხდება მომდევნო კვირებში , თუმცა ფაქტია, წინ უფრო საინტერესო და სისხლიან დაპირისპირებებს უნდა ველოდოთ.

ყველაზე თბილი სურვილები ჯადოსნური ახალი წლისთვის, ძვირფასო თავგადასავლების მაძიებლებო! დაე, თქვენი მოგზაურობა Lineage 2-ის სამყაროებში იყოს სავსე ეპიკური გამარჯვებებით, ძვირფასი მეგობრობით და დაუვიწყარი თავგადასავლებით. მოდი, ერთად შევხვდეთ დამდეგ 2025 წელს!