„ერებოსის დღიური“ – ჩემი პირველი დღე Hard-ზე - როგორ დავსტარტოთ

„Hard-ზე ყოველი ნაბიჯი ბრძოლაა. აქ არ არსებობს კომფორტი, არ არსებობს სწრაფი გზები. ეს არის სერვერი მათთვის, ვინც სიამოვნებას იღებს სირთულეში, ვინც თავის პერსონაჟს აღიქვამს არა უბრალოდ ციფრებად, არამედ ნამდვილი გმირის გზად.

ეს დღიური — ერთი ჰარდქორ მოთამაშის მოგონებაა. მისი პირველი დღე, პირველი ნაბიჯები, პირველი ბრძოლები. იმ იმედით, რომ სხვა ახალბედებსაც გზას გაუნათებს და დაგანახებთ, როგორი განცდაა ნულიდან Hard-ზე ცხოვრების დაწყება.“

პერსონაჟის დაბადება

„ერთ დღესაც გადავწყვიტე, რომ Hard-ზე დავბრუნდებოდი. შევქმენი ახალი გმირი — პატარა, უსუსური, მაგრამ ძლიერი ნებისყოფით. პირველივე წამიდან ვიგრძენი, რომ აქ არაფერს მაპატიებდნენ. დავიჭირე ხის მახვილი და გზას დავადექი. სამი დონე სწრაფად მოვქაჩე, არაფერია Gremlin-ის ფარმზე მარტივი გავიფიქრე და თითქოს ბავშვობა წამებში გავიარე. იქვე, ახალბედასავით, ჩავიბარე ჩემი პირველი სოსკები — Newbie Shot-ები. ისინი ჩემი სისხლის წვეთებად იქცა.“

პირველი ქალაქი

„ჩემს თვალწინ გეითქიფერის სხივმა გაიბრწყინა და Gremlin-ები უკან მოვიტოვე. ქალაქში გადასვლისას Newbie Guide შევამჩნიე. მისი სიტყვები თითქოს რჩევები კი არა, წინასწარმეტყველებები იყო. ‘მზად იყავი, გზაზე ბევრი ტკივილი გელის,’ — მითხრა, და თავის ბაფით ძალა დამიბრუნა. გონებაში ჩამრჩა — აქედან იწყებოდა ჩემი ნამდვილი ბრძოლა.“

კამაელის სოფელი

„შემდეგი გაჩერება — Kamael Village. იქ მელოდა Marcela. მისი დავალება, ‘Supply Check’, თითქოს უბრალო საქმე იყო, მაგრამ ჩემთვის პირველი გამოცდა აღმოჩნდა. ნაბიჯ-ნაბიჯ ვასრულებდი დავალებას, და როცა დავბრუნდი, უკვე მეექვსე (6 Lv) დონის მებრძოლი ვიყავი. ვიგრძენი, როგორ მომემატა ძალა, თითქოს მიწა ფეხქვეშ სხვანაირად იგრძნობოდა.“

Shadow იარაღი

„მგზავრობისას ისევ Newbie Guide ვნახე. მის ხელში კუპონები ბრწყინავდა. ‘აიღე,’ — მითხრა და მე Shadow იარაღში გადავცვალე. პირველად ვიგრძენი, რომ ნამდვილი მებრძოლი გავხდი. მახვილი ხელში, ბაფი სხეულზე და სული — მზად ყოველი თავგადასავლისთვის.“

Talking Island და გუშაგის დავალება

„Talking Island-ში დავბრუნდი. იქ გუშაგი Gilbert დამხვდა. მისი სიტყვები მკაცრი იყო: ‘მე დრო არ მაქვს, შენ კი შენი ღირსება უნდა დაამტკიცო’. ‘The Guard is Busy’ — ასე ერქვა მის დავალებას. გარეთ, ორკები დავაწიოკე. მათი კივილი და ჩემი იარაღის ბზრიალი ერთმანეთს ერწყმოდა. როცა ერთერთი მათგანი დამარცხდა და დავალების ნივთი ხელში ჩამივარდა, უკან დავბრუნდი. ჯილდოდ 6000 სოსკა მივიღე — მთელი სიმდიდრე დამწყებისთვის.“

მეათე დონე — ახალი სუნთქვა

„Newbie Guide კვლავ მიღიმოდა. მის სიტყვებში უცნაური სიმშვიდე იგრძნობოდა: ‘მზად ხარ’. და მართლაც, უკვე მეათე დონეს მივაღწიე. მზად ვიყავი ფარმისთვის, მზად ვიყავი ნამდვილი გზისთვის.“

ობელისკის ჩრდილი

„Talking Island-იდან Obelisk-ისკენ გავემართე. იქ გარეუბანში მონსტრები 8–9 დონეს ეკუთვნოდნენ, სიღრმეში კი უკვე 15-მდე ადიოდნენ. ყოველი დარტყმა, ყოველი სოსკის ხმარება ჩემი მომავალი გზა იყო. ბაფი რომ მელეოდა, უკან ვბრუნდებოდი და ისევ ვიღდგენდი ენერგიას. ასე ვიზრდებოდი მე-19 დონემდე.“

პროფესიის გზაჯვარედინი

„როცა 19 დონეს მივაღწიე, მივხვდი, რომ ბავშვობა დასრულდა. წინ იდგა პირველი ნამდვილი გამოცდა — ჩემი პროფესიის ქვესტი. ეს აღარ იყო უბრალო ფარმი, ეს იყო ჩემი გზის არჩევა. აქედან იწყებოდა ნამდვილი Hard.“

„ასე დაიწყო ჩემი გზა Hard-ზე. უბრალო ხის მახვილიდან Shadow იარაღამდე, ერთი სუსტი დარტყმიდან ორკის დამარცხებამდე, Newbie ბაფიდან — პირველი პროფესიის ქვესტამდე.

ეს მხოლოდ დასაწყისია. წინ მძიმე დღეები მელოდება — უშუქო გამოქვაბულები, ომებით მორეული ველები, ფორტრესები და ეპიკური ბოსები, რომელთა სახელებიც უკვე ლეგენდებად ჟღერს.

მაგრამ ეს Hard-ია. და სწორედ ამიტომ ვრჩები აქ — სადაც ყოველი ნაბიჯი ისტორიად იქცევა.“

გაიდი ნაბიჯებად

1) პერსონაჟის შექმნა

• საწყის ლოკაციაში ადიხარ 3lvl-მდე.

• იქვე იღებ Newbie Shot-ებს (სოსკებს).

2) ქალაქში გადასვლა და Newbie ბაფი

• გადადიხარ ქალაქში (Gatekeeper-ით).

• Newbie Guide-თან იდებ Newbie Buff-ს.

3) Kamael Village → „Supply Check“

• ტელეპორტი Kamael Village-ში.

• NPC Marcela-სთან იღებ ქვესტს “Supply Check”.

• ასრულებ ქვესტს (უბრალოდ მიჰყევი ნიშნულებს) და ხდები დაახლოებით 6lvl.

4) Shadow იარაღი + ბაფის განახლება

• ისევ Newbie Guide-ს ესაუბრები: იღებ Shadow Weapon Coupons-ებს.

• იმავე NPC-თანვე ცვლი კუპონებს Shadow იარაღში.

• ხელახლა იდებ Newbie Buff-ს.

5) Talking Island → „The Guard is Busy“

• ტელეპორტი Talking Island-ზე.

• გუარდთან Gilbert იღებ ქვესტს “The Guard is Busy”.

• გამოდიხარ Talking Island-იდან გარეთ, ეძებ 6lvl-იან ორკებს და კლავ,

როგორც კი 1 ცალი ქვესტ-აითემი დაგივარდება — ბრუნდები და ასრულებ ქვესტს.

• რევორდად მიიღებ 6000 სოსკას.

6) 10lvl და ფარმის სტარტი

• ქვესტის დასრულების შემდეგ უბრუნდები Newbie Guide-ს — ხდები 10lvl.

• მზად ხარ ფარმისთვის.

7) ლოკაცია: Obelisk (Talking Island)

• Talking Island-იდან ტელეპორტი Obelisk-თან.

• გარეუბანში მობები 8–9lvl, ცოტათი სიღრმეში — 15lvl-მდე.

• აქ ფარმავ 19lvl-მდე (სოსკები გამოიყენე რევორდიდან; ბაფი რომ გაგითავდება, დაბრუნდი და განაახლე).

8) 19lvl → პირველი პროფესიის ქვესტი

• როცა გახდები 19lvl, გადადი და დაიწყე პირველი პროფესიის ქვესტი (საკუთარი კლასის მიხედვით).